NEWS

Business Trophy 2019                                                                                    23.10.2019

Am Kader vum der Business Trophy 2019 ass an der Sportshal zu Biissen eng Qualifikatiouns Ronn ausgedroen ginn. Och 3 Spiller vum DT Biissen hunn un dëser Manifestatioun deelgeholl, de Philip Becker fir de Pont et Chaussée, den Alex Sinner bei Amazon an de Christian Schaus fir d'BGL BNP Paribas. Insgesamt hunn 17 verschidden Equippen participéiert.

Ufängertraining                                                                                               10.10.2019

Challenge Maas Henri                                                                                   26.09.2019

Als Virbereedung op de Championnat huet den DT Biissen wéi schonns déi Joren virdrun séin interne  Tournoi de "Challenge Maas Henri"  ausgedroen . Hei gëtt no der Formel Doubel Ko Handicap gespillt. Dëst Joer konnt de Ley Sven sech als Gewënner androen an dat virum Weber Luss. Op Platzen 3 a 4 koumen de Brucher Marc an Yana Schaus.

53. Tournoi Grand Prix de la Vallée de l'Attert                                        25.08.2019

Um éischten Tournoi vun der neier Saison, no genau enger Woch Training, hun eis Spiller beim Heemtournoi an der neier Sportshal zu Biissen 1. gutt Resultater  erspillt. Den Tournoi war mat 317 Aschreiwungen ganz uerdentlech besat.

 

D'Lily Schaus huet op sengem 1. Tournoi déi gutt 3. Platz gemaach. Déi selwescht Platz huet de Chris Aubart an der Klass D2 beluescht.

 

D'Yana Schaus an de Sven Ley waren an der 1/2 Final vun der Kategorie C2.

 

De Christian Schaus gouf gudden 2. an der Haaptkategorie an och nach 3. an der Open Handicap.

 

D'Spiller vum DT Biissen hunn gewisen dass des Saison mat hinnen ze rechnen ass.

58. Generalversammlung vum DT Biissen                                              03/05/2019

De President Christian Schaus huet déi present Membere wéi och de Buergermeeschter Jos Schummer, d’Schäffen Carlo Mülbach a Fränk Clement souwéi Memberen vum Gemengerot begréisst. De Christian Schaus war frou iwwert d'Präsenz vun deenen villen Memberen, besonnesch frou waren déi Uwiesend  iwwert d'Präsenz vum Marcel Raths (96 Joer), Grënnungsmember vum DT Biissen.

De Christian Schaus huet iwwer déi sportlech an aussersportlech Aktivitéiten vun der Saison 2018/19 bericht. De President seet der Gemeng och Merci iwwert dat reiwungslost  plënneren an déi nei Sportshal mat eegener Trainingshal.

Fir d'Saison 2019/20 begréisst de Club 2 nei Memberen, de Sinner Pit an de Meyers Jason hunn de Club vum DT Schandel verlooss fir eng nei Erausfuerderung zu Biissen ze fannen.

Uschléissend huet d'Sekretärin Tania Brucher den Aktivitéitsrapport presentéiert, dee wéi gewéinlech ganz detailléiert war. Am sportlechen Deel konnt Tania berichten datt den DT Biissen an der vergaangener Saison mat insgesamt 8 Equipen an deenen verschiddenen Meeschterschaften deelgeholl huet. Dovunner sinn direkt 3 Equipe gestiegen an zwar Biissen 2 an 1. Divisioun,  Biissen 4 an 3. Divisioun an Biissen 5 an 4. Divisioun. Bravo

Déi finanziell Situatioun vum Veräin ass nach ëmmer als gutt ze bezeechnen.

Eng speziell Auszeechnung gouf et dann fir den Hames Eugène, deen de Comité no 22 Joer verléisst. De President Christian Schaus huet déi exzellent Aarbecht vum Eugène  gelueft an dem Eugène e klenge Kaddo iwwerreecht. Merci Eugène

E lëschte Merci goung un Gemeng , d'Sponsoren fir hir finanziell a materiell Ënnerstëtzung - ouni déi de Club net konnt schaffen - an un all Memberen. Duerno  huet de President Christian Schaus d'Sëtzung zougemaach an traditionell op Veräinsiessen invitéiert.