De President Christian Schaus huet déi present Membere wéi och de Buergermeeschter David Viaggi, d’Schäffin Cindy Barros, souwéi d'Memberen vum Gemengerot begréisst. De Christian Schaus war frou déi 50 Memberen, no der ausgefalener Editioun 2020, nees an der Sportshal fir Generalversammlung 2020 an 2021 ze begréissen.
D'Versammlung huet och gläich mat enger Gedenkminutt, fir deen am vergaangene Joer verstuerwenen Grënnungsmember Marcel Raths, ugefaangen.
De President huet iwwert déi schwiereg sportlech an aussersportlech Aktivitéiten vun den Saisonen 2019 bis 2021 bericht. Hien seet der Gemeng Merci fir déi extraordinär Subsiden déi wärend dëser schwiereger Zéit verdeelt goufen.
Uschléissend huet d'Sekretärin Tania Brucher den Aktivitéitsrapport presentéiert, dee wéi gewéinlech ganz detailléiert war. Am sportlechen Deel konnt Tania berichten datt den DT Biissen an der Saison 2019/2020 mat insgesamt 8 Seniors- an 1 Cadets Equipe deelgeholl huet. Saison 2020/2021 si mer mat 7 Seniors- an 1 Cadets Equipe ugetrueden.
Déi finanziell Situatioun vum Veräin ass nach ëmmer als gutt ze bezeechnen.
Eng speziell Auszeechnung gouf et dann och fir 2 Memberen déi am Laaf vun der Saison de Seuil vun 750 Matcher am Trikot vum DT Biissen depasséiert hunn. Merci Weber Lucien an Heinen Pierrot.
E lëschte Merci goung un Gemeng , d'Sponsoren fir hir finanziell a materiell Ënnerstëtzung - ouni déi de Club net konnt schaffen - an un all Memberen. Duerno huet de President Christian Schaus d'Sëtzung zougemaach an op e klenge Patt mat e puer Sandwichen invitéiert. Duerch déi aktuell Situatioun huet de Veräin och op séin traditionellt Klubiessen verzicht.
15.10.2021
